Zəngilan Rayon İcra Hakimiyyəti yanında İctimai Şura
Şuranın üzvü
Camal Zeynalov
Zeynalov Camal Dadaş oğlu 25 iyun 1979-cu ildə Zəngilan rayonu Zəngilan şəhərində anadan olmuşdur. 1986-cı ildə Zəngilan şəhər natamam orta məktəbində 1-ci sinifə daxil olmuşdur. Zəngilan rayonun işğalı ilə əlaqədar olaraq 1993-cü ildən Sumqayıt şəhərində məskunlaşmışdır. 1993-1997-ci illərdə orta təhsilini Sumqayıt şəhər 34 nömrəli tam orta məktəbində davam etdirib. 1997-2001-ci illərdə Azərbaycan Dövlət Pedaqoji Universitetinin Tarix fakültəsində bakalavr təhsili almışdır. 2001-ci ildən tarix müəllimi kimi pedaqoji fəaliyyətə başlamışdır.
2002-2003-cü illərdə Azərbaycan Respublikası Müdafiə Nazirliyinin “N” saylı hərbi hissəsində hərbi xidmətdən olmuşdur. Hərbi xidmətini başa vurduqdan sonra tarix müəllimi kimi pedaqoji fəaliyyətinə davam etmişdir. Hal-hazırda Zəngilan rayon 11 nömrəli tam orta məktəbində çalışır.
Şəhid övladıdır. Atası Zeynalov Dadaş Muxtar oğlu I Qarabağ müharibəsində şəhid olmuşdur. 1 övladı var.