Quliyev Salam Vəli oğlu 11 aprel 1975-ci ildə Zəngilan rayon Genlik kəndində anadan olmuşdur. 1982-1992-ci illərdə Zəngilan rayon Malatkeşin kənd orta məktəbində orta təhsilini başa vurub. 1992-ci ildə Bakı Kooperasiya Texnikumuna (qiyabi) qəbul olub. 1993-cü il iyul ayında ordu sıralarına çağırılıb Ağdərə və Tərtər rayonlarının müdafiəsində iştirak edib. 1994-cü il aprel ayında Tərtər rayonunun müdafiəsi uğrunda gedən döyüşlərdə yaralanıb, ordu sıralarından tərxis olunub.
Ordu sıralarından tərxis olunandan sonra texnikum təhsilini "Mühasibat Uçotu və iddia işi" ixtisası üzrə bitirmişdir. 1995-2001-ci illərdə Qarabağ Əlillər Cəmiyyəti Zəngilan rayonu şöbəsinin sədr müavini işləyib. Hal-hazırda Azərsu ASC Bakı su kanal idarəsində aparıcı mütəxəssis vəzifəsində çalışır.
I Qarabağ müharibəsi qazisidir. Ailəlidir, 3 övladı var.