İctimai Şuranın növbəti iclası keçirildi
İctimaishura.az xəbər verir ki, Ailə,Qadın və Uşaq Problemləri üzrə Dövlət Komitəsi yanında İctimai Şuranın növbəti iclası keçirilmişdir. İclasda Komitənin Analitik Təhlil və İnformasiya Təminatı Şöbəsinin "İctimaiyyətlə əlaqələr və İnformasiya Texnologiyaları Sektoru"nun müdiri Zəminə xanım iştirak etmişdir. Şuranın iclası zamanı İşçi Qruplarının fəaliyyət planı üzrə hesabatı dinlənilmişdir. İctimai Şuranın görülmüş işlərinin ümumi hesabatının hazırlanması və bu ilin sonuna kimi yeni fəaliyyət planının hazırlanması nəzərə alınmışdır. Eyni zamanda Şuranın fəaliyyəti ilə bağlı digər cari məsələlər müzakirə edilmişdir.