Sabirabad Rayon İcra Hakimiyyəti yanında İctimai Şura üzvlərinə vəsiqələr təqdim olunub
30 noyabr 2022-ci il tarixində Sabirabad Rayon İcra Hakimiyyətinin inzibati binasında Rayon İcra Hakimiyyəti yanında İctimai Şuranın növbəti iclası keçirilib.
Görüşdə Sabirabad Rayon İcra Hakimiyyətinin müavini-İctimai-siyasi və humanitar məsələlər şöbəsinin müdiri Ceyran Xəlilova İctimai Şuraların əhəmiyyətini vurğulayaraq qeyd edib ki, dövlət qurumları yanında yaradılan İctimai Şuraların əsas məqsədi həmin yerli icra hakimiyyətlərinə dəstək olmaq, yerlərdə olan müraciətləri araşdırmaq, problemin birgə həlli yolunu tapmaqdır. Dövlət qurumlarının fəaliyyətində məhsuldarlığın, eləcə də şəffaflığın və hesabatlılığın artırılmasında İctimai Şuraların səmərəli ictimai nəzarət mexanizminin gücləndirilməsi mütləqdir. Bu istiqamətdə görüləcək işlərdə Şura üzvlərini fəal olmağa çağıran Ceyran Xəlilova onlara fəaliyyətlərində uğurlar arzu edib.
Daha sonra İctimai Şura tərəfindən görüləcək işlər və qarşıda duran vəzifələr müzakirə olunub.
Sonda İctimai Şura üzvlərinə yeni üzvlük vəsiqələri təqdim edilib.